Գիտնականները բացատրել են նարցիսիզմի երևույթը. 1in.am

Ամերիկացի գիտնականների նոր հետազոտությունը ցույց է տվել, որ ինքնասիրահարված մարդիկ կարող են խոսել և վստահ երևալ, սակայն հոգու խորքում նրանք ինքնահաստատման կարիք ունեն, հայտնում է healthyliving.com.ua-ը:

Նարցիսիստները շատ լավ ձևացնում են ինքնավստահություն և բարձր ինքնագնահատական, և նույնիսկ իրենք են դրան հավատում, բայց այդպիսի մարդիկ շատ արագ կորցնում են վստահությունը, երբ շրջապատի մարդկանցից հաստատում չեն ստանում և նրանց զրկում են իրենց ցուցադրելու հնարավորությունից:

Նարցիսիստները հաճույք են ստանում այն բանից, որ իրենց քննարկում են այլ մարդիկ, քանի որ շրջապատի ուշադրությունը նրանց համար կենսական անհրաժեշտություն է:

Իսկ ինչպե՞ս է առաջանում նարցիսիզմը: Հոգեբանները վստահ են, որ դա ձևավորվում է ծնողների դաստիարակությունից: Հենց չափից դուրս հոգատարությունը և մշտական խոսակցությունները իրենց երեխայի բացառիկության մասին երեխայի մեջ ձևավորում են նարցիսիզմ: Դա վերացնել, ցավոք, անհնար է, քանի որ այդպիսի մարդիկ դա թերություն չեն համարում:

Հարցեր, պատասխաններ, մեկնաբանություններ